Amerikalik tahlilchi, Daniyel Morgan nomidagi Milliy xavfsizlik masalalarini o‘rganish oliy maktabi (Daniel Morgan Graduate School of National Security) katta ilmiy xodimi Edvard Lemonning O‘zbekistondagi o‘zgarishlar haqidagi yozgan maqolasida shunday fikr bildiriladi. Ushbu maqola nufuzli tahliliy “World Politics Review” jurnalida chop etildi.
Ekspertning fikricha, mamlakat bugungi kunda tashqi dunyoga ochiqlikni namoyon etayotir. Shavkat Mirziyoyev davlat rahbari lavozimiga kirishgach, qator muhim islohotlarni boshladi.
Edvard Lemonning ta’kidlashicha, O‘zbekiston amalga oshirayotgan tashqi siyosiy qadamlar muhim natijalarga olib keldi. So‘zining tasdig‘i sifatida mutaxassis respublikamiz tashqi savdosining keskin ortganini ko‘rsatadi. Bundan tashqari, “2016 yildan buyon o‘zbek iqtisodiyotiga xorijiy investisiyalar hajmi ikki barobar oshdi”.
“Kechayotgan o‘zgarishlar, albatta, O‘zbekiston fuqarolariga foyda keltirmoqda. Ular o‘z fikrlarini bildirishlari, qo‘shni davlatlardagi qarindoshlarini emin-erkin borib ko‘rishlari mumkin... Ular iqtisodiy taraqqiyot taqdim etayotgan imkoniyatlardan foydalanmoqdalar... Shavkat Mirziyoyev iqtisodiyotni modernizasiyalash va hukumat faoliyatining samaradorligini oshirishga harakat qilayotir. Xususan, Prezident mamlakat byurokratiya tizimini isloh qilib, yosh, kuch-quvvatga to‘la o‘z kasbining ustalari va texnokratlarni jalb etmoqda. Bu boshqaruv tizimini yaxshilashga imkon beradi”, deydi E. Lemon.
Germaniya va Shvesiya harbiy hamkorlikni kuchaytirmoqchi
Qodirov Estoniyaga raketa hujumlarini uyushtirishga chaqirmoqda
Rossiya G‘arbni qo‘rqitmoqchi
