Seul Moskvaga ikki Koreyadan birini tanlashni taklif qildi

Rossiya va KXDR o‘rtasidagi harbiy hamkorlikni kuchaytirish Koreya yarim orolida va Yevropada xavfsizlikka tahdid soladi, Moskva o‘z manfaatlarini hisobga olgan holda ikki Koreya o‘rtasida tanlov qilish kerak. Bu haqda Janubiy Koreya prezidenti Yun Sok Yol Reuters agentligiga ma’lum qildi.

«Umid qilamanki, Rossiya qaysi tomon – Janub yoki Shimol – o‘z manfaatlari uchun muhimroq va zarurligini oqilona hal qiladi», dedi u.

Prezident Janubiy Koreya va Rossiya o‘rtasidagi kelajakdagi munosabatlar Moskvaning harakatlariga bog‘liq bo‘lishini ta’kidladi. Yun Sok Yol yaqinlashib kelayotgan NATO sammitida Rossiya Federasiyasi va KXDR o‘rtasidagi harbiy aloqalar tahdidini muhokama qilishini qo‘shimcha qildi.