Senegal prezidenti mamlakat bosh vazirini ishdan bo‘shatdi

Senegal prezidenti Bassiru Diomai Fay bosh vazir Usmon Sonkoni lavozimidan ozod qilish to‘g‘risidagi farmon chiqardi.

Farmon RTS telekanalida o‘qib eshittirildi.

Yangi bosh vazirni tayinlash vaqti va nomzodning ismi hali e’lon qilinmagan. Dakarastu yangiliklar portali Sonkoning iste’fosi amalda butun amaldagi hukumatning tarqatib yuborilishini anglatishini ta’kidlamoqda.

Prezident vazirlarga yangi vazirlar mahkamasi tuzilgunga qadar o‘z lavozimlarida qolishni buyurdi.

Prezident va bosh vazir o‘rtasidagi munosabatlar 2025 yil oxirida mamlakatning siyosiy va iqtisodiy yo‘nalishi bo‘yicha kelishmovchiliklar tufayli yomonlashdi. Bu Fay va Sonko uzoq vaqtdan beri yaqin ittifoqchilar bo‘lib kelgan va birgalikda muxolifatga rahbarlik qilganiga qaramay sodir bo‘ldi.

2024 yil mart oyida Bassiru Diomai Fay prezidentlik saylovlarida g‘alaba qozondi. Jinoiy javobgarlikka tortilgani sababli nomzodini qo‘yishdan chetlatilgan Sonko uning nomzodini qo‘llab-quvvatladi. Davlat rahbari lavozimiga kirishgan kuni Fay Sonkoni mamlakat bosh vaziri etib tayinladi.