Saudiya Arabistonida alkogol ta’minotida uzilish kuzatilmoqda

Saudiya Arabistoni poytaxti Ar-Riyodda alkogol mahsulotlari taqchilligi qayd etilmoqda.

Ma’lumotlarga ko‘ra, Eron atrofidagi keskinlik va mintaqadagi logistik uzilishlar sabab, shahardagi yagona rasmiy alkogol do‘konida mahsulot zaxiralari tez tugab bormoqda.

Natijada chet ellik diplomatlar orasida uzun navbatlar paydo bo‘lgan. Hozircha ta’minot qachon barqarorlashishi bo‘yicha rasmiy ma’lumot berilmagan.

Vaziyat mintaqa bo‘ylab transport va ta’minot zanjirlariga harbiy-siyosiy beqarorlik qanday ta’sir ko‘rsatayotganini yana bir bor ko‘rsatmoqda.