Respublika Bosh prokurori matbuot kotibi Hayot Shamsutdinov Sardoba fojiasi bo‘yicha tergov davom etayotganini ta’kidladi.
Uning aytishicha, hisobotlarda aks ettirilgan moliyaviy manbalar haqiqatda ishlatilganmi yoki yo‘q, bu savolga tezlikda jalb etilgan ekspertlar guruhi javob izlashyapti. Sudga oid texnikaviy ekspertiza tayinlangan. Yetkazilgan zarar miqdori aniqlanmoqda. Tergov ishlari uch oydan oshmagan holda amalga oshirilishi lozim. Zarurat tug‘ilganda 7 oygacha uzaytiriladi. 170 dan oshiq shaxslar so‘roq qilindi.
Aybdorlar aniqlangandan so‘ng, tegishli tartibda ularga ayb e’lon qilinadi va jinoyat ishi sudga ko‘rib chiqish uchun yuboriladi. Odil sudlovni faqat sudlar amalga oshiradi. Bu qonun bilan belgilab berilgan. Aybdor shaxslarning har biriga huquqiy baho beriladi.
Odamlar birpasda o‘zlari aybdorlarni topib, ijtimoiy tarmoqlarda hukm o‘qib yuborishadi. Har bir fuqaroning aybsizlik prezumpsiyasiga ko‘ra, huquqi kafolatlangan.
