AQShning Kaliforniya shtatida istiqomat qiluvchi erkak Norwegian Airlines kompaniyasi samolyotida jinsiy zo‘ravonlik uchun ikki yilga hukm qilindi. Bu haqda Daily Mail xabar bermoqda.
Voqea 2018 yilda Londondan Sietlga 10 soatlik parvoz vaqtida sodir bo‘lgan. Jinoyatchining qurboni aytganidek, parvozdan oldin u kerakli dori-darmonlarni qabul qilib, qattiq uxlab qoldi. Uning ko‘rsatmalariga ko‘ra, 43 yoshli Babk Rezapur yo‘lovchining ojiz holatidan foydalanib, nomusiga tekkan.
Voqeadan so‘ng jabrlanuvchi aviakompaniya xodimlariga murojaat qilgan va qo‘nish vaqtida polisiya aeroportda erkakni qo‘lga olgan. Sudda erkak o‘z aybini rad etdi, ammo tergov ayolning ichki kiyimida DNKni aniqladi. Bundan tashqari, sudlanuvchi ayollarni birinchi marta "bezovta qilmaganligi" ma’lum bo‘ldi.
Yakunda Babk Rezapur ikki yilga ozodlikdan mahrum qilindi.
