Oqdaryo tumanida telekommunikasiya tarmog‘iga noqonuniy ulangan va lisenziyasiz internet xizmati ko‘rsatib kelgan shaxs fosh etildi.
«O‘zkomnazorat» inspeksiyasining Samarqand viloyati hududiy shu’basi, «Elektromagnit moslashuv markazi» DUK hamda huquqni muhofaza qiluvchi organlar hamkorligida o‘tkazilgan tezkor tadbir davomida fuqaro S.F.S. o‘z uyida radiorele qurilmasi orqali 9 nafar fuqaroga pullik va bepul internet xizmatlari ko‘rsatib kelayotgani aniqlandi.
Tekshiruv natijasida ushbu faoliyat uchun hech qanday lisenziya, ruxsatnoma va shartnomalar mavjud emasligi ma’lum bo‘ldi. Mazkur holat yuzasidan tegishli hujjatlar rasmiylashtirilib, S.F.S. hamda 9 nafar fuqaroga nisbatan «Ma’muriy javobgarlik to‘g‘risida»gi kodeksning 152-moddasi, 155²-moddasi va 165-moddalariga asosan chora ko‘rildi.
Bugun O‘zbekiston terma jamoasi Boliviyaga qarshi o‘yin o‘tkazadi
O‘zbekistonda sirtqi ta’lim tizimi nega tugatilgani ochiqlandi
Jinsini o‘zgartirgan fuqarolarga yangi huquq berilmoqda
