Samarqand shahrining ba’zi hududlarida bodom daraxti qiyg‘os gulladi. Bu haqda QALAMPIR.UZ mobil muxbiri xabar bermoqda.
Sovuqqa chidamli bodom daraxti O‘zbekistonda odatda erta bahorda, boshqa daraxtlardan oldin gullaydi.
O‘tgan yili bodom fevral oyining boshida gullagan edi. Bu gal esa yanvar oyi avvalidanoq Namangan, Surxondaryo, Toshkent viloyatlarida bodom gulga kirgani qayd etildi.
Bu yil O‘zbekistonning ko‘pchilik hududida qor deyarli yog‘madi, havo harorati keskin tushib ketmadi.