Salome Zurabishvili Rossiyaning Ukrainadagi hujumini qoraladi

8 iyul oqshomida Gruziya prezidenti Salome Zurabishvili Twitter'da Rossiyaning Ukraina shaharlariga hujumi haqida gapirdi.

. «Ukraina shaharlariga, shu jumladan Kiyevga qilingan bugungi raketa hujumlarini keskin qoralayman, buning natijasida bolalar shifoxonasi vayron bo‘lgan. Bu Rossiyaning Ukrainaga qarshi urushining shafqatsiz usullari va fojiali oqibatlarini yana bir bor yaqqol ko‘rsatib turibdi», — deb yozgan Zurabishvili.

Rossiya qo‘shinlari 8 iyul kuni ertalab Kiyev va Ukrainaning boshqa shaharlariga yirik raketa zarbasi berdi. Kamida 28 kishi halok bo‘ldi, 112 kishi yaralandi. Kiyevda raketalardan biri bolalar shifoxonasiga tegdi.