Bu haqda Ruminiya prezidenti Nikushor Dan ma’lum qildi. Uning so‘zlariga ko‘ra, bugun ertalab soat 10:00 da Ruminiya Harbiy-havo kuchlari Sulina-Kiliya hududidagi hududiy suvlar tepasida "Shahed" dronini urib tushirgan.
"Bosh prokuratura tomonidan o‘tkazilgan surishtiruvga ko‘ra, juma kuni ertalab urib tushirilgan dron Rossiya Federasiyasining Ukrainaga qarshi urushida foydalanilayotgan "Shahed" turiga mansub.
Kecha va bugun urib tushirilgan dronlar bo‘yicha surishtiruv ishlari davom etmoqda. Ushbu surishtiruvlar asosida Ruminiya tomonidan Rossiya Federasiyasiga qarshi diplomatik norozilik bildiriladi", — dedi Dan.
Ta’kidlash joizki, Ruminiya hududida Rossiya dronlarining tez-tez urib tushirilishi Moskva Ukrainaning Dunay portlariga berayotgan zarbalari shiddati ortganidan dalolat beradi. Qora dengiz portlarida kemalar qatnovi to‘xtatilgach, dengiz orqali amalga oshiriladigan savdo aynan ushbu portlarga ko‘chirilgan edi.
O‘n yildan so‘ng pulning ahamiyati deyarli qolmaydi
1 avgustdan avtomobillar uchun gaz bepul bo‘ladi
Eron 200 nafardan ortiq amerikalik harbiy xizmatchilarni yo‘q qildi
