Rossiyaning 20 ga yaqin harbiy bazasi yo‘q qilingan

Melitopol meri bir hafta ichida Ukraina Qurolli kuchlari jangchilari tomonidan Rossiyaning 20 ga yaqin harbiy bazasi yo‘q qilinganini ma’lum qildi.

Ivan Fedorovning so‘zlariga ko‘ra, aniq zarbalar natijasida 1200 dan ortiq rossiyalik harbiylar jarohatlangan.

"Melitopol kasalxonalarida jarohatlangan harbiylar uchun joy qolmadi, shu sabab Rossiya Federasiyasi Mudofaa vazirligi dalada gospitallar shaharchasini qurdi, hozir u yerning faqat tug‘ruqxona qismidagina bo‘sh o‘rin mavjud", — deydi mer.