Nashrning yozishicha, Moskva o‘z tankerlariga qurol o‘rnata boshladi, bu esa Yevropa davlatlarini sanksiyaga tushgan neft va suyultirilgan tabiiy gaz tashuvchi kemalarni tutib qolishdan qaytarishi mumkin.
Rossiyaning suyultirilgan tabiiy gaz tashuvchi asosiy tankerlaridan biri bo‘lmish "Marshal Vasilevskiy" kemasining kapitan ko‘prigida ikkita stasionar qurol paydo bo‘lgani kuzatildi. Ular katta ehtimol bilan dronlardan va kemaga majburan chiqish urinishlaridan himoyalanish uchun mo‘ljallangan.
Gaaga strategik tadqiqotlar markazining mudofaa masalalari bo‘yicha mutaxassisi Patrik Bolder bu NATO uchun ogohlantirish ekanini aytdi: "Bizning kemalarimizga kemaga majburan chiqish urinishini qilmang, chunki bu urush chiqarishi mumkin", – dedi u.
Razvedka vakilining ta’kidlashicha, "Marshal Vasilevskiy" kabi kemalarning qurollantirilishi Yevropa davlatlariga "soya flotining" istalgan kemasi bortiga chiqishga xalaqit berishi mumkin.
"Agar soyadagi flot kemalari yirik kalibrli pulemyotlar bilan jihozlanishi mumkinligi haqida ma’lumot tarqalsa, g‘arb davlatlari tomonidan o‘tkaziladigan abordaj operasiyalari uchun xavf-xatarlarni baholash tizimi butunlay o‘zgaradi…
Kimdir bunday kema bortiga chiqishi ehtimoli deyarli nolga teng bo‘ladi. Vertolyotda unga hech kim yaqinlashmaydi. Agar Rossiyaning maqsadi shu bo‘lgan bo‘lsa, unga erishildi", — deydi Bolder.
Eslatib o‘tamiz, o‘tgan haftada Fransiya "soya floti" tankerini qo‘lga olgan edi.
O‘n yildan so‘ng pulning ahamiyati deyarli qolmaydi
1 avgustdan avtomobillar uchun gaz bepul bo‘ladi
Rossiyada migrantlarni deportasiya qilish uchun asoslar kengaytirildi
