Rossiya Kiyev viloyatiga hujum qildi

Rossiya qurolli kuchlari Ukrainaning Kiyev viloyatidagi Slavutich shahriga hujum qilib, vaqtincha taxminan 21 000 kishini elektrsiz qoldirdi.

Bu haqda viloyat davlat ma’muriyati rahbari Nikolay Kalashnik Telegram-kanalida e’lon qildi.

Uning so‘zlariga ko‘ra, 6 aprel kuni ertalab mintaqaning energetika infratuzilmasiga yana bir hujum sodir bo‘lgan.

"Xavfsizlik holati imkon berishi bilan energetiklar tiklash ishlarini boshlaydilar. Barcha muhim infratuzilma allaqachon zaxira quvvatiga o‘tkazildi", deb ta’kidladi u.

Kalashnikning qo‘shimcha qilishicha, suv ta’minoti saqlanib qolmoqda, ijtimoiy muassasalar generatorlarda ishlashda davom etmoqda, aloqa va internet xizmatlari barqaror bo‘lib qolmoqda va "engilmas nuqtalar" (mobil telefon xizmati, internet, isitish va birinchi tibbiy yordam to‘plami bilan jihozlangan maxsus jihozlangan chodirlar - tahr.) ochilgan.