Rossiya Federasiyasi va AQSh o‘rtasidagi savdo aylanmasi may oyida 1,5 barobar oshdi

Rossiya va AQSh o‘rtasidagi savdo aylanmasi may oyida aprel oyiga nisbatan 1,5 barobar oshib, 487 million dollarni tashkil etdi.

Bu haqda Amerika statistika xizmati ma’lumotlariga tayanib, «RIA Novosti» xabar bermoqda.

Qayd etilishicha, bu o‘tgan yilning may oyidan buyon maksimal savdo aylanmasi hisoblanadi.

Shunday qilib, bahor oxirida Rossiya eksporti 47 foizga o‘sdi - 439 million dollarga yetdi. AQShning Rossiyadan import qilinadigan asosiy mahsuloti uran bo‘lib, aprel oyida pauzadan keyin yana sotib olindi - u 209,5 million dollarga sotib olindi.