Rossiyaning Nijniy Novgorod shahrida «Argumenti i fakti» muxbiri Sergey Grachev o‘lik holda topildi. Bu haqda shahar qidiruv-qutqaruv guruhi ma’lumotiga tayanib, Meduza xabar bermoqda.
«Argumenti i fakti» hozircha voqea bo‘yicha hech qanday rasmiy ma’lumotlarga ega emasligini ma’lum qilgan.
38 yoshli jurnalist Sergey Grachev Nijniy Novgorod shahriga xizmat safariga borgan. Jurnalistni oxirgi marta 21 iyul kuni «Sheraton» mehmonxonasidan chiqayotganida ko‘rishgan.
27 iyul kuni shahar tergov qo‘mitasida jurnalistning bedarak yo‘qolgani bo‘yicha jinoiy ish ochilgan.
Manba: daryo.uz
