“Real” a’zosi, yaqinda “Yuventus” a’zosiga aylanishi kutilayotgan Krishtianu Ronaldu yana bir hamkorlik ishiga qo‘l urdi.
Ma’lumotlarga ko‘ra, “Facebook” ijtimoiy tarmog‘i Ronaldu ishtirokida realiti shou tashkil qilmoqchi. Ayni damda Mark Sukerberg va Krishtianu o‘rtasida mazkur hujjatli loyiha borasida muzokaralar o‘tkazilmoqda.
Eng qizig‘i, Ronaldu ishtirokida jami 13 ta epizod suratga olinadi va Sukerberg buning uchun futbolchiga 10 mln yevro atrofida pul to‘lashga tayyor. Ronaldu ishtirokidagi realiti shou mashhur amerikalik futbolchi Tom Bred haqidagi “Tom vaqtga qarshi” nomli hujjatli serial doirasida suratga olinishi rejalashtirilgan.
