Reper Potap "Mirotvores" ma’lumotlar bazasiga qo‘shildi

"Potap va Nastya" dueti a’zosi Oleksiy Potapenko Ukrainaning "Mirotvores" veb-sayti ma’lumotlar bazasiga qo‘shildi.

Bu haqda "Mirotvores" veb-sayt ma’lumotlari bazasi xabar bermoqda.

Veb-sayt mualliflari ukrainalik reperni "provokator" deb atashdi va uni "Ukrainadagi jamoat hayotini beqarorlashtirishga qaratilgan axborot va tashviqot faoliyati"da ayblashdi.

Anastasya Kamenskix 9 sentyabr kuni xuddi shu bahona bilan veb-sayt ma’lumotlar bazasiga qo‘shildi.

"Mirotvores" veb-sayti 2014 yilda yaratilgan. Uning maqsadi "Ukraina milliy xavfsizligiga tahdid soladigan" har bir kishining shaxsiy ma’lumotlarini aniqlash va nashr etishdir.