Samarqand viloyat hokimligi axborot xizmatining ma’lum qilishicha, Samarqandda o‘tkazilayotgan «Invest in Samarkand» I xalqaro investision forumining bugun, 23 noyabr ishida Ispaniyaning «Real Madrid» futbol akademiyasi Samarqand filialini tashkil etish yuzasidan kelishuv memorandumi imzolanishi kutilmoqda.
Shu maqsadda Ispaniyaning jahonga mashhur «Real» futbol klubinining mintaqaviy fondi menejeri Arenilyas Inigo Chaves Samarqandga kelgan.
Ma’lum bo‘lishicha, akademiya filiali Samarqand shahridagi Motrid qo‘rg‘onida tashkil etilishi rejalashtirilgan.
Shu va boshqa investision loyihalari bilan Ispaniya delegasiyasi vakillari Samarqanddagi forumda qatnashishmoqda.