“Real” 10 ta futbolchisini sotishi mumkin, ular orasida Vinisius ham bor

"Benfika" bosh murabbiyi Joze Mourinyo Madridning "Real" klubiga tayinlanishiga yaqin, "qaymoqranglilar"ning yangi tarixidagi eng keng ko‘lamli tarkib o‘zgarishlaridan birini tayyorlamoqda. Klub jamoani portugaliyalik mutaxassisning taktik konsepsiyasiga moslashtirish maqsadida 10 nafargacha futbolchini sotishi mumkin. Asosiy e’tibor obro‘ yoki o‘tmishdagi yutuqlarga emas, balki intizom va psixologik barqarorlikka qaratiladi. Bu haqda Marca xabar berdi.

Manba ma’lumotiga ko‘ra, Mourinyo tarkibni qayta tuzganda Vinisius Junior kabi mashhur futbolchilar ham jamoani tark etishi mumkin. Agar murabbiy qaytib kelsa, hech bir futbolchining o‘rni kafolatlanmagan.

Vinisiusdan tashqari, "Real"dagi kelajagi shubha ostida qolgan futbolchilar orasida Eduardo Kamavinga, Daniel Sebalyos, Ferlan Mendi, Andrey Lunin va Gonsalo Garsiya ham bor. Shuningdek, portugaliyalik mutaxassis Federiko Valverde va Orelyen Tchuamenining kelajagi haqida ham qaror qabul qilishi mumkin.

Bu o‘zgarishlar shuni ko‘rsatadiki, Mourinyo kuchliroq himoya intizomi va taktik jihatdan ishonchli futbolchilarga ustunlik beradi. Ehtimol, "Real" yanada tartibli jamoaga aylanishi mumkin.