Turkiyada maymunchechak infeksiyasining birinchi holati tasdiqlandi. Bu haqda respublika sog‘liqni saqlash vaziri Faxriddin Koja Twitter'da ma’lum qildi.
“Bemorlarimizdan birida maymunchechak aniqlangan. 37 yoshli bemorda immunitet tanqisligi bor. U izolyasiya qilingan. Dinamik kuzatuv o‘tkazildi, boshqa holatlar aniqlanmadi", deb yozdi u.
Vazirning maymunchechak kasalligi havo tomchilari orqali emas, balki yaqin jismoniy aloqa orqali yuqishini ta’kidladi.
