Moskvada jamoat transportida bezorilik qilgan chechenistonlik o‘smir Ramzan Qodirovning so‘zlaridan keyin kechirim so‘radi, deb xabar qilmoqda RIA Novosti.
Ushbu ko‘ngilsiz voqea 1 kun oldin sodir bo‘lgan edi. Moskva avtobuslaridan birida Chechenistonlik o‘smir qarama qarshi o‘rindiqda o‘tirgan yo‘lovchilardan “Axmat sila” deyishni talab qilgan va ularga qarata bo‘sh alyumin banka uloqtirgan edi.
Ushbu videorolik internetda tarqalganidan so‘ng, Ramzan Qodirovning juda qattiq jahli chiqqan va u chechenistonlik talabadan darhol, birinchi reys bilan Grozniyga qaytib ota-onasi bilan uning huzuriga kelishini talab qilgan edi.
“Qayerda bo‘lsang ham zudlik bilan, birinchi reysda Grozniyga yetib kelishingni va ota-onang bilan birga meni oldimga kelishingni talab qilaman. Senda bir necha soat vaqt bor xolos. Aks holda qattiq pushaymon bo‘lasan”, - degan edi Ramzan Qodirov.
Shu bilan bir vaqtda Qodirov jabr ko‘rgan yo‘lovchilardan kechirim so‘ragan va bu o‘smirning xulq-atvori chechen millatiga mos emasligini aytgan edi.
Bundan biroz oldin Ramzan Qodirov Moskvada o‘qiydigan Chechenistonlik talabalar xulq-atvori buzulgan holda vataniga qaytarilishini aytgan edi.
O‘g‘ri bojxonachilar 26 tonna oltin bilan qo‘lga tushdi
Tojikiston maktab ta’limiga to‘sqinlik qilganlik uchun jinoiy javobgarlikni kuchaytirdi
Armaniston shu yilning o‘zidayoq Yevropa Ittifoqiga kirishga tayyor
