Walt Disney studiyasi «Qirol Sher» multfilmining remeyki (qayta ishlangan versiyasi) tizerini e’lon qildi, deb yozadi «Gazeta.ru».
Rolikda savanna jonivorlari qirol Mufasaning yangi tug‘ilgan merosxo‘ri — Simbani ko‘rish uchun qoya yonida yig‘ilgani aks etgan.
Remeykka Jon Favro rejissyorlik qiladi. Jon Oliver, Chivetel Ejiofor, Set Rogen va Donald Glover kabi aktyor va qo‘shiqchilar qahramonlarga ovoz beradi.
«Qirol Sher» multfilmi ekranlarga 1994 yilda chiqqan. U uchta «Oltin globus» va ikkita «Oskar»ni qo‘lga kiritgan.
