Qarshi shahridagi “Erqo‘rg‘on” dehqon (oziq-ovqat) bozori ishchilari orasida koronavirus infeksiyasi yuqtirgan kishi aniqlangani haqidagi mish-mishlar hech qanday asosga ega emas. Bu haqda bozor rasmiy kanalida ma’lum qilindi.
Bu kabi mish-mishlarning paydo bo‘lishiga kecha Koson tumani Nekuz qishlog‘ida yashovchi bir necha kishining bozordan olib ketilib, ulardan Covid-19 virusi uchun tahlil olingani sabab bo‘lgan. Ayni paytda ushbu fuqarolarning hech birida virus aniqlanmadi.
Shunga qaramay, bozorda barcha zarur xavfsizlik choralarini ko‘rish, sanitariya-gigiyena talablarini ta’minlash maqsadida keng miqyosli dizenfeksiya tadbirlari amalga oshirilmoqda.
“Erqo‘rg‘on” dehqon (oziq-ovqat) bozori” AJ raisi Toshturdi To‘rayevning ma’lum qilishicha, ertaga ham bozorda to‘liq dezinfeksiya tadbirlari o‘tkaziladi. 13 iyun kuni tongdan esa bozor karantin talablariga qat’iy amal qilgan holda yana o‘z faoliyatini boshlaydi.
O‘g‘ri bojxonachilar 26 tonna oltin bilan qo‘lga tushdi
Amerikaliklar Putin nima uchun Shoyguni almashtirganini tushuntirdi
Tojikiston maktab ta’limiga to‘sqinlik qilganlik uchun jinoiy javobgarlikni kuchaytirdi
