Rossiya prezidenti Vladimir Putin Malining o‘tish davri prezidenti Assimi Goita bilan telefon orqali muloqot qildi. Bu haqda Kreml matbuot xizmati xabar berdi.
“Assimi Goita Rossiya tomoni ko‘rsatgan har tomonlama qo‘llab-quvvatlashi uchun Vladimir Putinga o‘z minnatdorchiligini bildirdi”, — deyiladi RIA Novosti xabarida.
Qayd etilishicha, davlat rahbarlari savdo-iqtisodiy va boshqa sohalarda ikki tomonlama hamkorlikni rivojlantirish masalalarini muhokama qilgan.
“Ayniqsa, Rossiya oziq-ovqatlari, o‘g‘itlar va yoqilg‘ilarni Maliga yetkazib berish masalasi ko‘rib chiqildi”, deyiladi matnda.