Putin Ukrainada g‘alaba qozonsa, Si Szinpinni ham ruhlantiradi

NATO Bosh kotibi Yens Stoltenbergning fikricha, Ukrainadagi urush Rossiya, Xitoy, Shimoliy Koreya va Eron o‘rtasidagi yaqin aloqani ko‘rsatmoqda.

U Pekinni «Rossiyaning Ukrainaga qarshi agressiyasining asosiy tashkilotchisi» deb atadi.

« Si va Prezidenti Putin, ularning barchasi NATO va AQSh Ukrainada barbod bo‘lishini xohlaydi. Va agar Putin Ukrainada g‘alaba qozonsa, bu nafaqat prezident Putinni, balki Si Szinpinni ham ruhlantiradi. Yaponiya bosh vaziri aytganidek, bugun Ukrainada sodir bo‘layotgan voqea ertaga Osiyoda sodir bo‘lishi mumkin», — deya CBS News telekanaliga bergan intervyusida Yens Stoltenberg so‘zlarini keltiradi «Kommersant».

Bosh kotibning qo‘shimcha qilishicha, Qo‘shma Shtatlar boshqa narsalar qatori Xitoy bilan muammolarni hal qilish uchun NATOga muhtoj. U, shuningdek, alyans ushbu muammoga munosib javob bera olishini ta’kidladi, chunki NATO 30 dan ortiq ittifoqchilarni o‘z ichiga oladi, ularning umumiy yalpi ichki mahsuloti jahon yalpi ichki mahsulotining 50 foizidan oshadi.