Rossiya Prezidenti Vladimir Putin fuqarolar o‘z fikrini aytishga, xususan, norozilik namoyishlarida ishtirok etishga haqli ekanligini ma’lum qildi, deb xabar beradi Meduza.
«Ba’zan bu (namoyishlar) ijobiy natija beradi. Chunki namoyishlar hokimiyatni harakatga keltiradi, uni insonlar oldida turgan muammolarni samarali hal qilish uchun to‘g‘ri yo‘lga soladi. Men aminmanki, bunday insonlar mamlakat rivojlanishi uchun pozitiv ruhda harakat qilishi kerak», — deydi Putin.