Putin Davlat dumasi saylovlarida onlayn ovoz berdi

Rossiya prezidenti Vladimir Putin Davlat Davlat dumasi saylovlarida onlayn ovoz berdi.

Rossiya rahbari oltinchi marta elektron shaklni tanladi va ovozini Kreml kabinetidan turib berdi. Putin byulletenni kompyuterda to‘ldirdi.

“Xato qilmaysan”, - dedi Rossiya rahbari onlayn ovoz berayotib.

18 sentyabr kuni Rossiyada Davlat dumasi deputatlari saylovi va ular bilan birga ovoz berishning yagona kunida o‘tkaziladigan boshqa saylovlar boshlandi. Ovoz berish uch kun davom etadi.

Ovoz berish natijalariga ko‘ra, to‘qqizinchi chaqiriq Davlat dumasi - besh yillik muddatga saylanadigan 450 nafar deputat shakllantiriladi. Tarkibning yarmi, ya’ni 225 nafar deputat partiya ro‘yxatlari bo‘yicha federal okrugdan, yana 225 nafari bir mandatli saylov okruglaridan saylanadi.

Rossiyaning yangi hududlarida (DXR, LXR, Zaporojye va Xerson viloyatlari) va murakkab tezkor vaziyat yuzaga kelgan sakkizta mintaqada ovoz berishni tashkil etishda maxsus yondashuvlar ko‘zda tutilgan.

Federal saylov okrugi bo‘yicha Davlat dumasining to‘qqizinchi chaqiriq deputatlari saylovida 10 ta partiya ishtirok etmoqda: “Edinaya Rossiya” ("Yagona Rossiya"), Rossiya Liberal-demokratik partiyasi (LDPR), To‘g‘ridan-to‘g‘ri demokratiya partiyasi, “Zelyonie” (“Yashillar”), “Spravedlivaya Rossiya” (“Adolatli Rossiya”), “Rodina” (“Vatan”), Rossiya Kommunistlar partiyasi (KPRF), Pensionerlar partiyasi, "Rossiya kommunistlari" va “Novie lyudi” ("Yangi odamlar”).