Portugaliya Meksika bilan o‘ynashdan bosh tortishi mumkin

Portugaliya terma jamoasi mart oyi oxirida Meksikaga qarshi o‘rtoqlik o‘yini o‘tkazishi kerak. O‘yin yangilangan "Asteka" stadionining ochilishi sharafiga o‘tkazilishi rejalashtirilgan edi. Biroq, Meksika zaminidagi tartibsizliklar rejalarga ta’sir qilishi mumkin.

The Touchline nashrining yozishicha, Portugaliya terma jamoasida mart oyida Meksikada o‘ynash xavfsizlik nuqtai nazaridan shart emas, degan fikrlar bor. Uchrashuvni AQShga ko‘chirish varianti ko‘rib chiqilmoqda.

Eslatib o‘tamiz, yozda Meksika AQSh va Kanada bilan birgalikda jahon chempionatiga mezbonlik qilishi kerak. Bir kun avval Meksika prezidenti mamlakatda jahon chempionati o‘tkazilishiga hech qanday tahdid yo‘qligiga ishontirgan edi.