Peruda oltin konlari ustidan jinoiy guruh nazorati kuchaydi

Perudagi La Pampa hududida faoliyat yuritayotgan “Guardianes de la Trocha” jinoiy guruhi oltinga boy konlar ustidan nazorat o‘rnatgani xabar qilinmoqda.

Mazkur hudud qit’adagi eng bioxilma-xil tabiiy hududlardan biri hisoblangan Tambopata National Reserve yonida joylashgan.

Forbidden Stories va uning hamkori Mongabay Latam o‘tkazgan surishtiruvga ko‘ra, jinoiy tashkilot qo‘rqitish va tahdidlar orqali har qanday qarshilikni bosmoqda. Xabarda ta’kidlanishicha, mamlakatda korrupsiyaning kuchayishi guruhning ta’sir doirasini kengaytirishga yordam bermoqda.

Guvohlar aytishicha, guruh vakillari qarshi chiqqanlarga nisbatan o‘ta shafqatsiz tahdidlar qilmoqda, bu esa hududda qo‘rquv muhitini kuchaytirgan.