Pentagon pissa nazariyasi: haqiqat yoki afsona?

Pentagon pissa nazariyasi shunday deydi: katta voqealar, ayniqsa harbiy yoki siyosiy harakatlar oldidan Pentagon yaqinida pissa buyurtmalari keskin ortishi mumkin.

📍 3-yanvar kuni AQSh Venesuelaga aviabombardirlovchilar bilan hujum qilganidan so‘ng, internetda bu nazariya yana muhokama markaziga tushdi. Ijtimoiy tarmoqlarda aytilishiga ko‘ra, tonggi soat 2–3larda Pentagon atrofida pissa buyurtmalari odatdagidan sezilarli darajada ko‘paygan. Masalan, bir do‘kon 700% ustama bilan buyurtma olgani aytilgan.

🔴 Ammo bu ma’lumot rasman Pentagon yoki AQSh Mudofaa vazirligi tomonidan tasdiqlanmagan. U faqat “Pentagon Pizza Report” nomli ijtimoiy media kuzatuvchisining OSINT (ochiq manbali razvedka) ma’lumotlariga tayanadi.

🔴 Tarixiy jihatdan, bu nazariya 2013-yildan beri internetda mashhur va AQShning boshqa harbiy harakatlari yoki yirik siyosiy voqealar oldidan ham pissa buyurtmalari ortishi haqida xabarlar tarqalgan, ammo buni ilmiy yoki rasmiy ravishda tasdiqlash qiyin.

Xulosa:

• Nazariya qiziq va internet memlariga aylangan.

• Rasman isbotlangan emas.

• Katta voqealar oldidan pissa buyurtmalari ko‘payishi — shunchaki kuzatuv yoki tasodif bo‘lishi mumkin.