Bugun soat 9:30 lar atrofida «Paxtakor» metro bekatida 15-sonli harakat tarkibida mashinist tomonidan nosozlik aniqlandi va xavfsizlik choralarini ko‘rish maqsadida, yo‘lovchilar vagondan tushirildi.
Shuningdek, navbatdagi 18-sonli marshrut ham yo‘lovchilarni «Paxtakor» metro bekatida tushirib,15-elektropoyezdni texnik ko‘rikdan o‘tkazish uchun depoga tomon harakatlanishida ko‘maklashdi, deb yozadi «Toshkent metropoliteni».
Soat 9:37 dan boshlab poyezdlar harakati doimiy jadval asosida amalga oshirilmoqda.
