Pandemiya tufayli Yevropa chegaralari yana yopilishi mumkin

Koronavirus tufayli Yevropada chegaralar qayta yopilishi mumkin.

«Bu esa YEIning ma’lum bir davlatida yuqtirganlar soni keskin ko‘paygan taqdirda sodir bo‘ladi», deya ma’lum qildi Germaniya tashqi ishlar vaziri Xayko Maas qarorlar muvofiqlashtirilishi va YEI darajasida ovoz berish tartibidan o‘tishi kerakligini ta’kidlar ekan.

Eslatib o‘tamiz, may oyidan boshlab Yevropa Ittifoqi va Shengen hududi chegaralari asta-sekin ochilmoqda.

Iyul oyida Janubiy Koreya va Yangi Zelandiyadan kelganlarning Yevropa Ittifoqiga kirishiga qo‘yilgan cheklovlarni olib tashlash rejalashtirilmoqda.

Rossiya, AQSh va Braziliyadan kelgan sayyohlarga faqat alohida holatlarda kirishga ruxsat beriladi.