Tojikiston Prezidenti ijro apparati rahbari, prezident Imomali Rahmonning qizi Ozoda Rahmon Moskvada sodir bo‘lgan fojiali voqea ortidan 10 yoshli Qobiljon Aliyevning onasi Nilufar Safoyevaga 300 ming somoniy (taxminan 30 ming AQSh dollari) miqdorida moddiy yordam taqdim etdi. Bu haqda «Xovar» davlat axborot agentligi xabar berdi.
Rasmiylarga ko‘ra, ushbu tashabbus jamiyatda birdamlik, mehr-oqibat va insoniy qadriyatlarni namoyon etish maqsadini ko‘zlaydi.
Avvalroq Tojikiston hukumati Qobiljonning onasiga uy sovg‘a qilgan, shuningdek, tadbirkor Umar Alimatov uni oyiga 10 ming somoniy maoshli ish bilan ta’minlash majburiyatini olgani ma’lum qilingandi.
Eslatib o‘tamiz, 16 dekabr kuni Moskva viloyatidagi maktabda 15 yoshli o‘quvchi hujumi oqibatida 4-sinfda tahsil olayotgan Qobiljon Aliyev halok bo‘lgan edi. Mazkur holat keng jamoatchilik noroziligiga sabab bo‘lib, Tojikiston va Rossiya rasmiylari voqeani keskin qoralagan, aybdorlar qonun oldida javob berishi ta’kidlangan.
Netanyaxu Isroildan qochib ketdi
Tezkor xabar: Eron AQSh bazalari tomon yangi avlod o‘ta og‘ir raketasini uchirdi
Eronning asosiy maqsadi nima?
