Ukraina prezidenti Vengriya bosh vazirining Ukraina va Rossiya o‘rtasida vositachilik qilishga urinishlari haqida gapirar ekan, faqat AQSH, Xitoy yoki Yevropa Ittifoqi kabi o‘yinchilar vositachi bo‘lishi mumkinligini aytdi.
2 iyul kuni bir kun avval mamlakati YEI raisligini olti oyga egallagan Viktor Orban Kiyevga keldi va Zelenskiyga avvaliga vaqtinchalik o‘t ochishni to‘xtatishni e’lon qilish, so‘ngra tinchlik muzokaralariga o‘tishni ko‘rib chiqishni taklif qildi. Keyin Orban Moskvaga ketdi.
«Men uning Moskvaga uchishini bilmagandim. Bu uning mustaqil tanlovi. U vositachi bo‘la oladimi, degan savolga kelsak... Rossiya va Ukraina o‘rtasida vositachilik yo‘q. Faqat jiddiy, kuchli ittifoqchilar vositachi bo‘lishi mumkin», dedi Zelenskiy dushanba kuni Varshavadagi matbuot anjumanida.
Zelenskiyning so‘zlariga ko‘ra, vositachi iqtisodiy jihatdan qudratli bo‘lishi va Rossiya iqtisodiyotiga ta’siri bo‘lishi yoki Rossiyanikidan kuchliroq armiyaga ega bo‘lishi kerak.
«Dunyoda bunday davlatlar ko‘pmi? Ozgina. Men Amerika Qo‘shma Shtatlari va Xitoyni shunday davlatlar deb o‘ylayman. Menimcha, Yevropa Ittifoqi faqat bitta davlat emas, balki butun Yevropa Ittifoqidir. Bu haqiqatan ham shunday vositachilik missiyasi bo‘lishi mumkin», — deya Zelenskiyning so‘zlarini keltiradi Ukrinform agentligi.
Eron zarbasidan keyin Isroil havo kuchlari bazasining sun’iy yo‘ldosh tasvirlari e’lon qilindi
Ukrainaga «Barcha bombalarning otasi» tashlandi
Nobel qo‘mitasining qaroridan Isroil shok holatiga tushib qoldi
