Orban Putin bilan uchrashish uchun Moskvaga yaqinda qilgan safari tafsilotlari haqida gapirdi

Vengriya bosh vaziri Viktor Orban Rossiya prezidenti Vladimir Putin bilan uchrashish uchun Moskvaga yaqinda qilgan safari tafsilotlari haqida gapirdi.

Shveysariyaning Weltwohe gazetasi muxbiri bilan suhbatda Orban Kiyevga tashrifidan ikki kun o‘tib Rossiyaga qilgan safari yashirin tarzda tayyorlanganini aytdi.

Uning so‘zlariga ko‘ra, Rossiyaga tashrif haqidagi ma’lumotlar Vengriya Polshadan o‘z hududi orqali o‘z harbiy samolyotlarini uchib o‘tishga ruxsat so‘ragan paytdagina sizib chiqqan.

Orbanning aytishicha, uning Putin bilan muzokaralari taxminan uch soat davom etgan va uchrashuv chog‘ida u Putinga uchta savol bergan: u Ukrainadagi urushni tugatish bo‘yicha mavjud takliflarga qanday munosabatdaligi, vaqtinchalik o‘t ochishni to‘xtatishga tayyormi-yo‘qmi va mamlakatdagi xavfsizlik arxitekturasini qanday tasavvur qilgani.

Vengriya bosh vazirining so‘zlariga ko‘ra, Putin «har ikki tomon ishtirokisiz haqiqiy muzokaralar boshlanmaydi» deb javob bergan. «Demak, biz usiz qiladigan barcha ishlar hech narsani anglatmaydi. Bu juda mantiqiy », dedi Orban.

Putin, shuningdek, Orbanga vaqtinchalik sulh bo‘lishi mumkinligiga optimistik emasligini va urushdan keyin Yevropa uchun rejasi borligini aytdi.

Hozirda Vengriya Yevropa Kengashiga raislik qilmoqda. Yevropa Ittifoqi rasmiylari Orbanning Moskvaga tashrifini qoralab, uning Yevropa Ittifoqi nomidan Putin bilan muzokara olib borish vakolatiga ega emasligini aytdi.