Syurix universiteti olimlari ulkan daryo delfinining toshga aylangan bosh suyagini topdi. Hayvon qoldiqlari ekspedisiya chog‘ida Peru Amazonka daryosi yaqinida topildi, deb yozadi The Guardian.
Tadqiqotning yetakchi muallifi Aldo Benites-Palominoning aytishicha, topilgan hayvon 24-16 million yil avval yashagan Pebanista yacuruna oilasiga tegishli. Uning so‘zlariga ko‘ra, jonivorning tanasi uzunligi 3,5 metrga yetgan.
Olimning ta’kidlashicha, u 2018 yilda qazilma topilgan, ammo uning tadqiqotlari koronavirus pandemiyasi tufayli to‘xtatilgan.
Qayd etilishicha, topilgan hayvon bugungi kunda Janubiy Amerikaning chuchuk suvlarida yashovchi Amazoniya delfinlariga emas, balki Janubiy Osiyo daryolaridagi zamonaviy Gana delfinlarining yaqin qarindoshlariga tegishli.
Benites-Palomino daryo delfinining bu turi chuchuk suv daryolarida yangi oziq-ovqat manbalarini izlash uchun okeanlarni tark etganini ta’kidladi.
Tadqiqot Science Advances jurnalida chop etildi.
