Bunga ko‘ra, har bir mahalla kesimida jismoniy shaxslar tomonidan to‘langan mol-mulk va yer solig‘ining 10 foizi hisobidan «Mahallaning ijtimoiy-iqtisodiy muammolarini hal etish jamg‘armasi»ga o‘tkazilgan mablag‘lar va amalga oshirilgan xarajatlarni kuzatib borish imkoniyati yaratildi.
Jumladan, har bir mahalla kesimida:
➡️ jamg‘armaga yo‘naltirilgan mablag‘lar;
➡️ amalga oshirilgan xarajatlar miqdori va yo‘nalishlari;
➡️ jamg‘armadagi mavjud qoldiq mablag‘lar to‘g‘risida ma’lumotlar bilan tanishish imkoniyati yaratildi.
✅ Eslatib o‘tamiz, jamg‘armalar har bir mahalla uchun alohida tarzda ochilgan bo‘lib, ularning mablag‘lari fuqarolarning takliflari va «mahalla yettiligi»ning qarori asosida ijtimoiy ahamiyatga ega muammolarni hal etish uchun sarflanadi.