Ukraina Qurolli Kuchlarining Kursk viloyatidagi operasiyasi tez orada yakunlanishi kutilmoqda. Uning tugashiga bir necha haftadan bir necha kungacha vaqt ketishi mumkin, deb yozmoqda Ispaniyaning El Pais gazetasi Ukraina armiyasining nomi oshkor etilmagan vakillariga tayanib.
Tarmoqda rossiyalik askarlar Sudja shahri markaziga kirgani tasvirlari tarqalmoqda.
Nashrning yozishicha, Kursk viloyatidagi ukrainalik harbiy xizmatchilar Vashingtonning Kiyevga harbiy yordamni to‘xtatib qo‘yishi oqibatlarini qattiq his qilmoqda.
11 mart kuni Rossiya Mudofaa vazirligi Kursk viloyatidagi 12 aholi punkti ozod qilingani haqida xabar berdi. 9 mart kuni ertalab departament armiya Lebedevka qishlog‘i (Kursk viloyati) va Novenkoye qishlog‘ini (Ukrainaning Sumi viloyati) egallab olganini ma’lum qildi. Kechga yaqin rus qo‘shinlari Malaya Loknya, Cherkasskoye Porechnoye va Kosisa aholi punktlarini egallashdi. 8 mart kuni rossiyalik harbiy mulozim Apti Alaudinov Rossiya armiyasi Kursk viloyatida keng ko‘lamli hujum boshlaganini ma’lum qildi.
Kursk viloyatidagi janglar 2024 yil 6 avgustdan beri davom etmoqda. Mintaqada favqulodda holat va terrorizmga qarshi kurash rejimlari o‘rnatilgan, evakuasiya e’lon qilingan. 2025 yil yanvar oyida Rossiya Mudofaa vazirligi 801 kvadrat kilometrga yaqin hududda nazorat tiklangani haqida xabar berdi.
Kanada AQShga zarba berdi
"Ko‘rinmas" rus dronlari Ukraina artilleriyasini mazax qilmoqda
Rossiya Su-35’larni Xitoyga sotib xato qildimi? Xitoy Su-35’larni uchish uchun emas, nusxa olish uchun olgan!
