OAV Putinning Germaniyadagi “g‘alati” mashhurligi haqida xabar tarqatdi

Nemislar va avstraliyaliklar Ukrainani bir ovozdan qo‘llab-quvvatlayotgani haqidagi ma’lumotlar yolg‘on, deydi nemis jurnalisti.

Germaniya va Avstriyada Rossiya Prezidenti Vladimir Putinni qo‘llab-quvvatlash darajasi yuqori, deb yozdi “Wiener Zeitung” gazetasi sharhlovchisi Gerxard Lexner.

Uning so‘zlariga ko‘ra, nemislar va avstraliyaliklar Ukrainani bir ovozdan qo‘llab-quvvatlayotgani haqidagi ma’lumotlar yolg‘on.

“Nemis tilida so‘zlashuvchi ushbu davlatlarda Putinning obro‘yi yuqoriligi va Rossiyaga nisbatan bunday g‘alati xayrixohlik qayerdan kelib chiqadi? Albatta, o‘nglar uchun - Putinning ultra-liberal va gender siyosatini tanqidi, so‘llar uchun esa - NATOga qarshi ritorikasi orqali”, - deydi Lexner.

Sharhlovchining qo‘shimcha qilishicha, bugungi kunda Germaniya va Avstriya aholisi orasida sanksiyalarning iqtisodiy oqibatlari tufayli norozilik kuchaymoqda.

“Inflyasiyaning o‘sishi, gaz taqchilligi tahdidi va yuqori narxlar Ukrainaga bo‘lgan xayrixohlikni pasaytiradi. Ko‘pchilik Putinni emas, Ukraina Prezidenti Vladimir Zelenskiyni urush qo‘zg‘atuvchi, tinchlikka to‘sqinlik qilayotgan odam sifatida ko‘ra boshlagan”, - deyiladi maqolada.

Rossiyaning Ukrainani demilitarizasiya va denasifikasiya qilish bo‘yicha maxsus operasiyasi boshlanganidan so‘ng G‘arb Moskvaga nisbatan sanksiya bosimini kuchaytirdi. Shunday qilib, Yevropa Ittifoqi allaqachon yettita cheklovchi chora-tadbirlar paketini, shu jumladan ko‘mir va neftga embargoni qabul qildi.

Vladimir Putinning fikricha, Rossiyani jilovlash va zaiflashtirish siyosati G‘arbning uzoq muddatli strategiyasi bo‘lib, sanksiyalar butun jahon iqtisodiyotiga jiddiy zarba berdi. Shunga qaramay, prezidentning ishonchi komilki, hozirgi voqealar G‘arbning ham siyosatdagi, ham iqtisodiyotdagi global hukmronligi ostidan chiziq tortadi.