Qoraqalpog‘istonda favqulodda holat joriy etilishi va Prezident farmoni ijrosini taminlash maqsadida «Nukus» aeroporti faoliyati komendantlik soatlarida vaqtinchalik soat 21:00 dan 07:00 gacha cheklanadi. Shu munosabat bilan “Uzbekistan Airways” AJning 2022 yil 3 iyul kuni Toshkent – Nukus – Toshkent yo‘nalishi bo‘yicha HY017/HY018 reyslari bekor qilindi.
4 iyul kuni bekor qilingan reyslarning barcha yo‘lovchilari Toshkent – Nukus – Toshkent yo‘nalishi bo‘yicha HY011/HY012 reyslari orqali yetkaziladi. Aviakompaniya yo‘lovchilarni reyslar kechiktirilishi haqida xabardor qilgan.
