Nijniy Novgorodda ro‘y bergan yong‘inda 200 ta it halok bo‘ldi

Nijniy Novgorodning Leninskiy tumanida qo‘shimcha binoda sodir bo‘lgan katta yong‘in natijasida taxminan 200 ta it halok bo‘ldi. Bu haqda Favqulodda vaziyatlar vazirligining Nijniy Novgorod viloyati boshqarmasi xabar berdi.

Favqulodda vaziyatlar vazirligining mintaqaviy boshqarmasi ma’lumotlariga ko‘ra, kuchli yong‘in paytida birinchi qutqaruv guruhlari voqea joyiga yetib kelishgan. Alanga 50 kvadrat metr maydonga tarqalib ketgan.

Yonib ketgan binoning egasi qutqaruvchilarga uy hayvonlari orasida ko‘plab qurbonlar bo‘lgani haqida xabar bergan.

"Egasining so‘zlariga ko‘ra, yong‘in natijasida 200 ta it halok bo‘lgan deb taxmin qilinmoqda", deyiladi Favqulodda vaziyatlar vazirligi bayonotida.

Oltita texnika va 30 nafar xodim jalb qilingan. Favqulodda vaziyatlar vazirligi ma’lumotlariga ko‘ra, yong‘in nosoz pech tufayli yuzaga kelgan.