Niderlandiya – Angliya uchrashuvini germaniyalik hakam boshqaradi

UYEFA Yevro-2024 ikkinchi yarimfinali doirasidagi Niderlandiya – Angliya uchrashuvini boshqarib boradigan hakamlar ro‘yxatini e’lon qildi.

Unga ko‘ra, germaniyalik Feliks Svayer uchrashuv bosh hakami sifatida ishlaydi. Unga qanotlarda Shtefan Lupp va Marko Axmyuller yordam bersa, zaxira hakami – Daniel Zibert.

VAR hakami – Bastian Dankert, assistentlari – Kristian Dinkert va Marko Frits.

Ma’lumot uchun, Niderlandiya va Angliya o‘rtasidagi final yo‘llanmasi uchun bahs 10 iyul soat 23:59da boshlanadi.