Netanyahu: Isroil harbiy salohiyatiga 119 mlrd dollar sarmoya kiritadi

Binyamin Netanyahu mamlakat o‘z harbiy qudratini mustaqil ravishda rivojlantirish uchun katta miqdorda sarmoya ajratishini ma’lum qildi.

Uning so‘zlariga ko‘ra, Isroil kelgusi yillarda milliy qurol-yarog‘ tizimlarini ishlab chiqishga 119 milliard AQSh dollari yo‘naltiradi.

Netanyahu ta’kidlashicha, bu qarorning asosiy maqsadi — davlatning tashqi mamlakatlarga harbiy jihatdan qaramligini kamaytirish va strategik mustaqillikni ta’minlashdan iborat.

Mazkur reja Isroilning mudofaa sohasida o‘z texnologiyalari va ishlab chiqarish quvvatlarini kengaytirishga qaratilgan.