“O‘zbekkonsert” davlat muassasasi tomonidan joriy yilning 29 sentyabr kuni poytaxtimizdagi “Xalqlar do‘stligi” san’at saroyi yonidagi maydonda gala konsert tashkil etiladi. Uning o‘ziga xosligi, xonandalar faqat jonli ijroda qo‘shiq aytishidir.
Bundan bir necha yil muqaddam yurtimizda jonli ijro targ‘iboti, bu yo‘nalishni har jihatdan qo‘llab-quvvatlash va rag‘batlantirishga oid “Mardu maydon“ festivali muvaffaqiyatli amalga oshirilgan edi.
Loyiha san’atkorlar, ayniqsa, yosh xonandalarni ko‘proq izlanishga, musiqiy texnika, hojatbaror kompyuterning “mo‘’jizakor“ imkoniyatlari emas, balki o‘z kuchi va salohiyati, iste’dodi, ovoz imkoniyatlariga tayanishga chorlashi bilan ahamiyatli bo‘lgandi.
“O‘zbekkonsert“ davlat muassasasi xabariga ko‘ra, endilikda jonli ijroda san’atsevar o‘zbek xalqiga o‘z qo‘shiqlarini taqdim etishni istagan xonandalar bu konsert dasturida ishtirok etishi mumkin.
Bugungacha konsert dasturida 10 nafar estrada xonandasi ishtirok etish istagini bildirgan.
Alisher Qodirov Rossiya Davlat dumasi spikeriga javob qaytardi
Samarqandda uyi qulagan fuqaro qo‘shnisidan 300 ming dollar talab qildi
Rossiyadan Buxoroga Makarov va TT pistoletlari noqonuniy olib kirilgani ma’lum bo‘ldi
