NASA Oyda eng katta yangi kraterni topdi

AQSh kosmik agentligi NASA yaqinda Quyosh tizimida paydo bo‘lgan Oy yuzasidagi eng katta kraterni topdi, deb xabar beradi RIA Novosti.

Agentlik kraterni 2025 yilda Lunar Reconnaissance Orbiter kosmik kemasi tomonidan olingan tasvirlar yordamida topdi.

— Hozirgi modellarga ko‘ra, bu — yaqin o‘tmishda Quyosh tizimida kashf etilgan zarba kraterlarining eng kattasi. Bunday hodisa taxminan har 132 yilda bir marta sodir bo‘ladi, — deyiladi Science Advances maqolasida.

NASA ma’lumotlariga ko‘ra, 2024 yil bahorida 3-6 qavatli bino kattaligidagi asteroid yoki kometa Oy yuzasiga urilgan. To‘qnashuv natijasida diametri 222 metr va chuqurligi taxminan 42 metr bo‘lgan krater hosil bo‘lgan.

Kosmik agentlik ma’lumotlariga ko‘ra, yangi krater olim Tomas MakGetchin sharafiga McGetchin deb nomlangan.