Bugun 19 sentyabr, 2019 yil, payshanba

КИР

Namanganlik fuqaro tug‘ruqxonada o‘zining va boshqa bir ayolning chaqalog‘ini 2-qavatdan uloqtirdi

Namanganlik fuqaro tug‘ruqxonada o‘zining va boshqa bir ayolning chaqalog‘ini 2-qavatdan uloqtirdi

09.09.2019 yil soat taxminan 04:30 larda Namangan tumani tibbiyot birlashmasining tug‘ruq kompleksiga qarashli binoning orqa xovlisidan fuqaro D.X. (1996 y.t.) va M.T.(1997 y.t.) larning 02.09.2019 yilda tug‘ilgan qiz chaqaloqlari tirik holda topilib, jonlantirish bo‘limiga yotqizilganlar, biroq, shifokorlar tomonidan ko‘rsatilgan tibbiy yordamga qaramasdan chaqaloqlar vafot etishgan. 

Aniqlanishicha, 09.09.2019 yil soat taxminan 03:30 larda fuqaro D.X. 02.09.2019 yilda tug‘ilgan farzandini oldiga kirib, uni oyoqlari notekis (nuqsonli) tug‘ilganligidan achchiqlanib, undan qutilish maqsadida o‘z chaqalog‘i bilan birgalikda, kelgusida sodir etayotgan qilmishi fosh bo‘lib qolishini oldini-olish maqsadida shu xonada yotgan M.T.ning qiz chaqalog‘ini ham olib, deraza oynasi orqali ularni tug‘ruq kompleksining 2-qavatidan pastga uloqtirib yuborgan. Oqibatda chaqaloqlar og‘ir tan jarohatlari olishgan. 

Mazkur holat yuzasidan 09.09.2019 yilda tuman prokuraturasi tomonidan fuqaro D.X.ga nisbatan JKning 97-moddasi 2-kismi “a,v” bandlari hamda tuman tibbiyot birlashmasiga qarashli tug‘ruq kompleksi mas’ul shaxslariga nisbatan 116-moddasi 4-kismi “a” bandi bilan jinoyat ishi qo‘zg‘atilgan. D.X. prosessual tartibda ushlangan. 

Dastlabki tergov harakatlari davom etmoqda.

Kiritildi: 15:14 10.09.2019. O'qildi: 4131 marta. Fikrlar soni: 0 ta.
telegram channel

Bo'limga tegishli qiziqarli xabarlar

Eng ko'p o'qilgan yangilik

Fikr bildirish uchun qaydnomadan o'tishingiz so'raladi, va telefon rakamni tasdiklash kerak buladi!