Maltadagi pirotexnika zavodida portlash sodir bo‘ldi

Maltadagi pirotexnika ishlab chiqarish zavodida kuchli portlash, undan keyin bir qator kichikroq portlashlar sodir bo‘ldi.

Bu haqda Times of Malta gazetasi xabar berdi.

Uchib ketayotgan qoldiqlar oqibatida bir kishi yengil jarohat oldi.

Portlash hududda jiddiy moddiy zarar yetkazdi, zavod yaqinidagi uylar, avtomobillar va boshqa buyumlarga zarar yetkazdi.

Fuqarolik muhofazasi departamenti vakili gazetaga dastlabki ma’lumotlarga ko‘ra, portlash paytida zavodda hech kim bo‘lmagan, ammo qutqaruvchilar tekshiruvni davom ettirmoqda. Hodisadan bir soatdan ko‘proq vaqt o‘tgach, ob’ektda kichik portlashlar davom etganligi sababli, rasmiylar yaqin atrofdagi aholini ham evakuasiya qilishdi.