Makron «PSJ»ni Chempionlar ligasidagi g‘alabasi bilan tabrikladi

Fransiya prezidenti Emmanyuel Makron PSJni Chempionlar ligasida qo‘lga kiritgan g‘alabasi bilan tabrikladi.

"Qoyil, PSJ butun Yevropani hayratga solmoqda. Fransiya siz bilan faxrlanadi", — deb yozdi davlat rahbari o‘zining X ijtimoiy tarmog‘idagi sahifasida.

Makron o‘z tabrigida "Parij osmonida yangi yulduz porladi", deya ta’kidlab, bu g‘alaba klub tarixidagi ikkinchi Chempionlar ligasi sovrini ekanini eslatib o‘tdi.

Chempionlar ligasi finali Budapesht shahrida bo‘lib o‘tdi. Qarshi tomon sifatida maydonga tushgan Londonning "Arsenal" jamoasiga qarshi bahsda asosiy vaqt va ikki qo‘shimcha taym 1:1 hisobida yakunlandi. Penaltilar seriyasida esa PSJ 4:3 hisobida ustun keldi.