Fransiya prezidenti Emmanuel Makron 3 mart, payshanba kuni Rossiya prezidenti Vladimir Putin bilan bir yarim soat telefon orqali suhbatlashdi, so‘ng Ukraina prezidenti Vladimir Zelenskiyga qo‘ng‘iroq qildi, deb xabar berdi Yelisey saroyi.
Qayd etilishicha, Putin bilan suhbat 1 soat 30 daqiqa davom etgan. Bu Rossiya Federasiyasi va Fransiya prezidentlarining 24 fevralda Rossiya armiyasining Ukrainaga bostirib kirishi boshlanganidan beri uchinchi suhbati bo‘ldi.
Shundan so‘ng Makron Ukraina yetakchisi Zelenskiy bilan gaplashdi. Ikkala suhbatning mazmuni haqida xabar berilmagan.
Eslatib o‘tamiz, Makron bilan avvalgi suhbati chog‘ida Putin Ukraina bilan muzokaralarga tayyor ekanini, biroq Qrim ustidan Rossiya suvereniteti tan olinishi, Ukraina davlatini demilitarizasiyasi va «denazifikasiyasi» hamda neytral maqom ta’minlanishi sharti bilan kelishini bildirgan edi.
Shoygu urush tugaydigan “aniq va shubhasiz” sanani ma’lum qildi
Zelenskiy shuni yodda tutishi kerakki, u Ashraf G‘ani kabi yoki undan ham battarroq bo‘lishi mumkin
Markaziy Osiyo davlatlariga tashqi kuchlar tomonidan bosim o‘tkazilmoqda - O‘zbekiston Prezidenti huzuridagi Xavfsizlik Kengashi
