Belarus prezidenti Aleksandr Lukashenko Rossiya prezidenti Vladimir Putinga Ukrainaning Rossiya tomonidan bosib olingan hududlarini elektr energiyasi bilan ta’minlash uchun Belarusda yana bir atom elektr stansiyasi (AES) qurishni taklif qildi. Uchrashuv stenogrammasi 26 sentyabr, juma kuni Kreml saytida chop etildi.
Lukashenkoning so‘zlariga ko‘ra, bu AES sharqiy Belarusda qurilishi mumkin. U Ukrainaning Rossiya o‘ziniki deb hisoblagan Xerson, Zaporijjiya, Luxansk va Donesk viloyatlariga elektr energiyasi yetkazib berishni o‘z maqsadlaridan biri deb atadi.
"Rosatom" atom energetikasi sohasini yanada kengaytirish imkoniyatlarini allaqachon ishlab chiqqan. Men bu yerda moliyaviy masalalarni omma oldida muhokama qilishni istamayman. Bizda variantlar bor, ular haqida aytib beraman, agar qaror qabul qilinsa, zarurat tug‘ilsa, darhol yangi energiya bloki yoki yangi stansiya qurishni boshlaymiz", — dedi Lukashenko.
Putin bu taklifni to‘g‘ridan-to‘g‘ri qo‘llab-quvvatlamadi va «Agar elektr energiyasini olib, kerakli tarifni to‘laydigan iste’molchi bo‘lsa, bu umuman muammo emas», dedi Rossiya prezidenti.
Rossiyada “OMON”chilar nega Ahmadaliyevning konsertiga bostirib kirgani ma’lum bo‘ldi
AQShning birinchi xonimi Zelenskiyning rafiqasini "bortini" berdi
Diqqat! “Super” kontrakt bekor qilindi
